Кириш Регистрация

STD.UZ/YUVE

Ювентус

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Топ-7. Кутилаётган қишки трансферлар

Янги йил эшик қоқмоқда. Бу эса қишки трансферлар яқин дегани. Шу сабабли айни вақтда футболчиларнинг у ёки бу жамоага кўчиб ўтиши ҳақидаги миш-мишлар ўзининг энг кульминацион нуқтасига кўтарилган. Январдаги трансфер палласи ўзининг кутилмаган харидлари билан ҳам ёзгисидан кескин фарқ қилади.

soccer.ru сайти эса тахмин қилинаётган трансферлар борасидаги барча маълумотларни умумлаштириб, энг муҳим қишки 7та харидни аниқлади.

Фернандо Торрес ("Атлетико")
Деярли ҳеч ким Фернандо Торреснинг январда қадрдон жамоасига қайтишига шубҳа қилаётгани йўқ. Тўғри, футболда ҳамма нарса бўлиши мумкин, аммо кун ўтган сайин 30 ёшли испан форварди тобора "Висенте Кальдерон"га яқинлашмоқда. Аслида Торрес ўтган ёздаёқ ўз уйида бўлиши мумкин эди, аммо ўшанда футболчининг трансфер ҳуқуқига эгалик қилувчи "Челси" Фернандонинг сотувидан ҳали катта маблағ ишлаб олишига умид боғлаганди. Қолаверса, Торрес ўзининг маош билан боғлиқ талаблари билан "матрасчилар" раҳбариятини бироз чўчитиб юборганди.

Охир-оқибат "Челси" барибир футболчини "Милан"га текинга ижара бериб Торресдан қутилди. Аммо А Сериянинг 10 учрашувида 1та тўп киритган Фернандо осмондан ерга тушиш ва уйга қайтиш фурсати етганини тушуниб етди. "Челси" бунинг учун аллақачон рухсат берди, "Атлетико"дан фақатгина "Милан" билан келишиб олиш талаб этилади, холос.

Тахминларга кўра, ўзига хос "рокировка" бўлиши ҳам мумкин: Торрес ижара асосида Мадридга йўл олади, Черчи эса Миланга кўчиб ўтади. Аммо мадридликларнинг испан форварди трансферини сотиб олишлари ҳам эҳтимолдан йироқ эмас.

Алессио Черчи ("Милан" ёки "Интер")
Ўтган мавсумда "Торино" ҳужумчиси Алессио Черчи А Сериянинг энг яхши ўйинчиларидан бирига айланганди. Унинг хизматларига "Интер" жиддий эҳтиёж сезди, аммо энг қулай таклифни Мадриднинг "Атлетико"си ўртага ташлади. Черчи Испания чемпионлари ихтиёрига Диего Пабло Симеоне жамоасининг муҳим футболчиси бўлиш иштиёқида ташриф буюрди. Аммо декабрь ойининг сўнггида ҳам Алессио захира ўйинчиси мақомидан қутула олмади.

Италиялик форвард жорий мавсум Испания чемпионатининг бирорта учрашувини асосий таркибда бошлагани йўқ. Яқинда эса у ўз жамоасини ўзгартиришга тайёр эканини расман эълон қилди.

Юзага келган вазиятни футболчи ва клуб раҳбарияти яхши тушуниб турибди. "Атлетико" Черчини харид қилиш учун 15 миллион евро сарфлаганди, аммо клуб ҳозирча футболчидан бирор фойда кўргани йўқ. Шу сабабли "матрасчилар" Черчини Фернандо Торреснинг трансферига қўшмоқчилар.

Ўтган ёздан бери Алессиони ўз таркибида кўришни хоҳлаётган "Интер" ҳамон футболчидан умидини узмаган. Агар Торрес-Черчи "рокировка"си амалга ошмаса ҳам футболчида Миланга кўчиб ўтиш имконияти сақланиб қолади.

Лукас Подольски ("Интер")
Германия термаси таркибида жаҳон чемпиони бўлган Лукас Подольски Лондоннинг "Арсенал" клуби захира ўриндиғини "иситиб ўтириш"дан чарчади ва ўйин амалиётига эга бўлиш мақсадида жамоасини ўзгартирмоқчи. Ёзда Алексис Санчес ва Дэнни Уэлбек харид қилинганидан кейин немис футболчиси штатдаги захира ўйинчисига айланди-қолди. "Канонирлар" устози Арсен Венгер ҳам Лукасга у қадар муҳим аҳамият касб этмайдиган учрашувлардагина имконият тақдим қиляпти. Подольски Премьер-Лиганинг бирорта ўйинини дастлабки дақиқалардан бошлагани йўқ, бор-йўғи 7 ўйинда захирадан тушиб, майдонда атиги 106 дақиқа кўриниш берди, холос.

Форвард Англия чемпионатида рақиблар дарвозасини ишғол қилмаган бўлса-да, Чемпионлар Лигасида 3 марта тўп киритиб, ҳали ҳамон юқори савияли ҳужумчи эканини эслатиб қўйди.

Миланнинг "Интер" жамоаси Подольскини ўз таркибига қўшиб олишни мўлжалламоқда. "Нерадзурри" бошқарувини қўлга олган Роберто Манчини январдаёқ таркибда жиддий ислоҳотлар қилмоқчи. "Интер" Лукасни ёзда харид қилиш шарти билан ижарага олишни мақсад қилган.

Подольскининг "Арсенал" билан имзолаган шартномаси 2016 йилда ниҳоясига етишини ҳисобга олсак, тўлақонли трансфер "Интер" учун 7-8 миллион еврога тушиши мумкин.

Аднан Янузай ("ПСЖ", "Реал Сосьедад" ёки "Эвертон")
Ёш бельгиялик ярим ҳимоячи ўтган мавсумда клуб мухлисларини хурсанд қилган кам сонли футболчилардан бўлди. Янузай ўзининг тиришқоқлиги билан "қизил иблислар" асосий таркибидан муқим жой олди ва Дэвид Мойес даврида етакчи ўйинчилардан бирига айланганди. Ёзда Аднан Райан Гиггз қўлидан "11" рақамли футболкани қабул қилиб олди ва янги мавсумга юқори ўйин савиясига кўтарилиши тахмин қилинган катта иқтидор эгаси сифатида ҳозирлик кўрди. Бироқ унинг ишлари кутилмаганда орқага кетди ва Янузай захира ўриндиғига "михланиб" қолди.

Луи ван Гал "Манчестер Юнайтед" бошқарувини қўлга олган заҳоти бельгиялик футболчига муҳим вазифа излашга киришди, аммо кейинчалик жамоа ўйинида Янузайга эҳтиёж сезмаётганини тан олди.

Манкунианликлар Аднаннинг ўйин амалиётига эга бўлиши учун ижарага беришга тайёрлар. Уни ўз сафида кўришни хоҳловчилар эса етарлича топилади. Катта иқтидор соҳиби учун асосий даъвогарлар сафида "ПСЖ", "Реал Сосьедад" ва "Эвертон" зикр этилмоқда.

Энцо Перес ("Валенсия")
Испан матбуотига ишонадиган бўлсак, "Бенфика" ва Аргентина терма жамоаси ярим ҳимоячиси Энцо Переснинг "Валенсия"га кўчиб ўтиши деярли ҳал бўлиб улгурган.

Қайд этиш жоиз, айни вақтда "кўршапалаклар" амалга оширувчи трансферларга таниқли футбол агенти Жорже Мендеш жавоб беради. Ушбу мутахассиснинг, шунингдек, португалия футбол бозорини назорат қилишини инобатга олсак, Перес январдаёқ "Месталья"да кўриниш бериши ҳақиқатга анча яқин.

Энцо ўтган мавсум Португалия чемпионатининг энг яхши футболчиси деб топилди. Бундан ташқари у Бразилиядаги жаҳон чемпионати вақтида ҳам ўзини кўп жиҳатдан кўрсатди. Лукас Билья ва Фернандо Гагони "альбиселесте" асосий таркибидан чиқариб ташлаши ҳам Переснинг иқтидоридан дарак беради. "Валенсия" ушбу иқтидор эгаси учун 25 миллион евро харажат қилиши кутилмоқда.

Жердан Шакири ("Ювентус")
Себастьян Жовинконинг Туринни тарк этиши тобора ойдинлашиб бораётган бир вақтда "Ювентус" унинг ўрнига муносиб номзод излашни бошлаб юборган. Италия чемпионлари ҳозирда бор эътиборини "Бавария" вингери Жердан Шакирига қаратган. "Кекса синъоралар" анчадан бери швейцариялик иқтидор эгасини кузатиб келишмоқда. Улар футболчини дастлаб "Базел"дан сотиб олишга уринган, аммо ўшанда "улоқ"ни мюнхенликлар илиб кетганди. Жорий ёзда Шакири бўйича немис грандига таклиф билан чиқишганди, аммо "Бавария" рад жавобини берди. Ҳозирда эса вазият умуман ўзгарган. Чунки футболчининг ўзи етарли ўйин амалиётисиз қолаётганидан ранжиб, Мюнхенни тарк этишни аҳд қилган.

Мавсум стартида "Бавария" бош мураббийи Хосеп Гвардиола вингерга ишонч билдиришини айтиб уни қолишга кўндирганди. Жердан бунга ишонди, аммо унинг жамоадаги роли ўзгаргани йўқ. Шакири камдан ҳолларда бошланғич таркибдан жой олади, кўпинча эса захирадан ўйинга қўшилади.

Швейцариялик йигит жорий мавсум Бундеслигада 9 учрашувда иштирок этиб 1та тўп киритди ва 2та голли узатмага муаллифлик қилди.

"Ювентус"дан ташқари футболчига, шунингдек, "Ливерпуль" ҳам қизиқиш билдирмоқда. Аммо Шакири учун айни вақтда оғир дамни бошдан кечираётган мерсисайдликлардан кўра туринликлар таркибига бориб қўшилиш оқилона қарордек туюлиши табиий.

Серхио Ромеро ("Ливерпуль")
Аргентина терма жамоаси посбони Серхио Ромеро "Монако"да ижарада ўйнагани ва мунтазам ўйин амалиётига эга бўлмаганига қарамай Бразилиядаги жаҳон чемпионатини ўта муваффақиятли тарзда ўтказди.

27 ёшли кипер Монте-Карлодан "Сампдория"га қайтиб келгач, бошланғич таркибда тез-тез майдонга тушди. Аммо бу унинг асосий таркиб учун курашда ҳамкасби Эмилиано Вивианони тўла-тўкис ортда қолдирганини англатмайди. Серхио январда жамоасини ўзгартириш ҳақида бош қотирмоқда.

Британ матбуотида ёзилишича, Ромеронинг хизматлари билан "Ливерпуль" клуби қизиқиб қолган. "Қизиллар"нинг биринчи рақамли посбони Симон Миньоле жорий мавсум керагидан кўп хатога йўл қўймоқда. Мерсисайдликлар январда ўз таркибини яна бир дарвозабон билан тўлдиришни режалаштирган.

Ромеронинг "Сампдория" билан келишуви ёзда ниҳоясига етишини инобатга олсак, "Ливерпул"да маҳоратли киперни 1-2 миллион евро эвазига ҳам қўлга киритиш имконияти мавжуд.

P/S. Юқорида сизни тахмин қилинаётган трансферлар билан таништириб ўтдик, холос. Уларнинг амалга ошиш ёки амалга ошмаслигини албатта вақт кўрсатади. Бунинг учун у қадар кўп кутиш шарт эмас. Зеро, остонада Янги йил. Бу эса қишки харидлар яқин дегани.

Маҳмуджон АЗИМОВ таржимаси

Киритилди: 28.12.2014 12:39. Ўқилди: 14181 марта. Фикрлар: 11 та.

«A» Серия

Жамоа Ў О
1 Интер 29 76
2 Милан 29 62
3 Ювентус 29 59
4 Болонья 29 54
5 Рома 29 51
6 Аталанта 28 47
7 Наполи 29 45
8 Фиорентина 28 43
9 Лацио 29 43
10 Монца 29 42
11 Торино 29 41
12 Женоа 29 34
13 Лечче 29 28
14 Удинезе 29 27
15 Верона 29 26
16 Кальяри 29 26
17 Эмполи 29 25
18 Фрозиноне 29 24
19 Сассуоло 29 23
20 Салернитана 29 14

ЕЧЛ

- Гуруҳи

Жамоа Ў О

Европа лигаси

ЕЧЛ - Гуруҳи

Жамоа Ў О
1 Аякс 0 0
2 Байер 0 0
3 Барселона 0 0
4 Зальцбург 0 0
5 Севилья 0 0
6 Спортинг 0 0
7 Шахтёр 0 0
8 Ювентус 0 0

Италия кубоги

Нимчорак финал
13.01.2021
00:45 Милан
0:0
Торино
19:00 Фиорентина
1:2
Интер
21:45 Наполи
3:2
Эмполи
14.01.2021
00:45 Ювентус
3:2
Женоа
21:30 Сассуоло
0:2
СПАЛ
15.01.2021
01:15 Аталанта
3:1
Кальяри
20.01.2021
01:15 Рома
2:4
Специя
22.01.2021
01:15 Лацио
2:1
Парма
Чорак финал
27.01.2021
00:45 Интер
2:1
Милан
21:45 Аталанта
3:2
Лацио
28.01.2021
00:45 Ювентус
4:0
СПАЛ
29.01.2021
01:00 Наполи
4:2
Специя
Ярим финал
03.02.2021
00:45 Интер
1:2
Ювентус
04.02.2021
00:45 Наполи
0:0
Аталанта
10.02.2021
00:45 Ювентус
0:0
Интер
11.02.2021
00:45 Аталанта
3:1
Наполи
Финал
19.05.2021
23:59 Аталанта
1:2
Ювентус

International Champions Cup

Италия суперкубоги

Финал
21.01.2021
01:00 Ювентус
2:0
Наполи

Сўнгги учрашув

17.03.2024. «A» Серия. 29-тур.
16:30
Ювентус
0-0
Женоа

Навбатдаги учрашув

30.03.2024. «A» Серия. 30-тур.
22:00
Лацио
-:-
Ювентус

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.